طبعاً انا مابافهمش ف الاقتصاد ف مش هتكلم عن المشاكل الاقتصادية اللي بتعملها الشركات دي . تعالوا نشوف :)
صراحة بقى مع احترامي لكل الاراء بخصوص الموضوع دا ف انا شايف حاجه تانيه خالص ، انا وجهة نظري هى أن الشركات دى اخطر ع المجتمع أكثر مما ممكن نتصوره لانها بتستهدف الشباب ف سن صغير جداً و بتعوده على المكسب السهل البسيط الكتير ف نفس الوقت ،بمجرد م يشترى حاجه يبقى موظف ف الشركه و بمنتهى السهوله يقبض؟ الخطروه بقى فيم اًن الشاب ف الـ20 بعدين يتعود على المكاسب ده كلها ف وقت قليل ومجهود اقل لو جه يشتغل حاجه محتاجه مجهود حتى لو كان بسيط جداً مش هيعرف وهيكسل وهيزهق بسرعه لانه اتعود خلاص على السهله اللى مش بتاخد مجهود ، اظن اصلاً كمان انه هتأثر بشكل او بأخر على طريقة تفكيره وعلى رؤيته للحياه كلها على وجهة نظره وتوجهه على قدرته ع التفكير السليم على انه ميكسلش يفكر ودى الاخطر من وجهة نظرى الصراحه ، ف لما الحكايا دى بقى تبقى ف مجتمع زى اللى احنا عايشين فيه ده اقتصادياً مش كويس و اخلاقياً كمان و كله عايز يجيب فلوس وخلاص بأسهل طرق ممكنه ف يبقى الشركات دي بتتلف جيل كامل بطريقه خبيثه للغايه الحقيقه التلف هيطول جسد وعقل ف نفس الوقت واعتقد ان ده ع المدى البعيد هيبقى اخطر من اى شىء ممكن على مصر وممكن استخدم هنا العباره الشهيره ( هدم الدوله ) بيبدأ كده من الشباب من الناس اللى اصلاً بتقوم عليهم الدوله على الناس اللى بتعمل الحضاره و بكره ف العالم ، يارب اكون غلطان والشباب يبقى اقوى من كده و يكون قادر على انه يفهم كده بسرعه و ميُقعش ف الفخ ده ، بس دى وجهة نظرى ف الموضوع ده كله ، شكراً ..
ليست هناك تعليقات:
إرسال تعليق