عن الاستسهال

انا ملاحظ من فترة ان الناس بتستسهل تكفر ده تُبيح دم ده تقول على الناس اللى هما مختلفين معاهم حاجات وحشه فيهم لمجرد انهم مختلفين معاهم بس ...
و بما اننا شعب مُتدين بطبعه ف يبقى انى اقول عشان شخص ده ملحد او كافر او ملوش دين ف ده معناه انه شخص " سىء اخر حاجه " و هما هما الناس بمنتهى الازدواجيه بيحبو ناس ممكن جداً يكونو من الناس " الوحشين الكخه دول " بس لمجرد انهم مش عايشين معانا ف يبقى مفيش مشكله ف يحبه الممثل الفلانى الاجنبى او لعيب الكوره الفلانى !!
ــــــــــــــــــــــــــــــــــــــــــــــــــــــــــــــــــــــــــ
محدش ف الناس دى فكر مرة انه ممكن يكون الشخص اللى هو كفره او أباح دمه و بالمناسبة "إباحة الدم " دى مش موجوده ف اى دين سماوى ولا ارضى حتى ، كل الاديان تحترم الانسان إحترام ليس له نظير ببساطه لانه روحه دى هى سر عظمة الاله اللى خلقه .. و حتى الحيوان كمان لها قدسيه عند بعض الناس لمجرد انهم حسه اد ايه الحاجات دى ليها فضل عليهم ..

نرجع بقى ، ممكن بقى الشخص اللى انا بقى مختلف معاه بشكل ما ده ممكن يكون له فوائد عظيمه ليا يكون بيفهم ف حاجات كتير تفيدنى من غير حتى لو هو لا يؤمن بوجود آله اصلاً .. مش مهم 


لو فكرنا ثوانى هنلقينا عمرنا ما سألنا نفسها هو اديسون كان فعلاً مسيحى و مسلم و مُتفنى ولا كانت علاقته ايه بالخالق لمجرد انه فادنا ف على طول عقلنا يصورنا عنه انه راجل كويس ( ده طبعاً لو انت اصلاً انسان بفطره سليمه لسه ) ...


ف ارجوك ارجوك ارجوك لا تستهل ف تكفير او إباحة دم او الغضب من شخص لمجرد انه مختلف معاك ف اسلوبك او علاقتك بربنا

حاول تطنش عن الحاجات دى و تستفاد من الشخص ده ف اللى هو فعلاً بيعرف يعمله كويس ..

و على ذكر الكلام ده عندى صديقى كان بيشتغل ف السودان مع راجل خواجه شاطر جداً ف شغله و المشروع قايم على كتافه 

ف صديقى ده مره بيسأله انت لو مُت دلوقتى هنعمل فيك ايه هنصلى عليك ف جامع ولا قُداس ف كنيسه ولا ايه ؟؟

رد الخواجه بمنتهى الثقه قال له : شايف النيل ده زقنى فيه و ملكش دعوه ، مش هتفرق معايا ساعتها 

محدش بقى طرد الراجل ده من الشغل او قال عليه حاجه و حتى قدره زاد عند صديقى لمجرد انه متفانى ف شغله بينفع الناس اللى حوليه و اللى شغالين معاه بعض النظر عن هو بيعبد ربنا ازى ، او مبعبدوش اصلاً ..


و افتكر ديماً جملة الراحل الجميل << يوسف شاهين >> الف رحمه تنزل عليه لما قال : 


" احنا لما بنشوف بنت حلوه ، مكناش بنسألها بتصلى ازى " 


بس انا خلاصت .. سلامات