فلم هندي..

تترات 

Feed to black 

م1                                              ن/د/خ

أميتاب باتشان وهوه شباب لسة راكب الفيل بتاعه ورايح الشغل وكالعادة
بيشتغل ظابط .. وهوه راكب قاعد يغنى بالهندى أغنيته المفضلة
واركب الفيل ..درجن درجن
واتفيّل ..درجن درجن .. ساعتين فى اليوم .. واشد الخرطوم .. ولا
هييييييه ..
يسمع وهوه راكب صوت طفلة رضيعة بتعيط .. يركن الفيل على جنب وينزل
يلقى طفلة رضيعة فى اللفة جنب الجامع


يتأثر جدا أميتاب من منظرها الرقيق فيغنى لها نص ساعة وهيه كمان تغنى
له نص ساعة ..
ياخدها يحطها على الفيل عشان الفيل يوصلها البيت ويروح هوه شغله عشان
عندهم النهاردة تعديل دستور الهند .. وهوه ماشى يبص ع اليفط المتعلقة
فى كل أنحاء البلد .. ' الفريق عبد الفتاح شوهان يرفض الحكم العسكري ' يبتسم ابتسامة
هندى ويقول بالهندى الشعب ده هندى

م2                                              ن/د/خ

تفوت سنين ..أميتاب راجع من شغله وعلى فكرة لسة شباب برضه وداخل البيت
البنت اللى كان لاقيها قدام الجامع كبرت واحلوت.. بقت عروسة هندى
يعنى

يحبها وتحبه .. ياخدها على الغيطان .. يغنى لها نص ساعة وتغنيله نص
ساعة ..
وفجأة تيجى العصابة بتاعة الراجل الشرير حوالى ستين واحد عشان يخطفوا
البنت عشان هيه دى البنت الوحيدة فى الهند كلها اللى الراجل الشرير
الوِحِش عايز يتجوزها ..
أميتاب يحضن حبيبته بإيد وشغال ضرب فى الرجالة بإيده التانية .. يخلص
علي الستين واحد كلهم بمسدساتهم بمطاويهم بس للأسف ضافر واحد منهم خدش
دراعه ..حبيبته تجرى عليه تغنى له نص ساعة ويغنى لها نص ساعة وياخدها
على البيت بسرعة عشان عندهم النهاردة تعديل دستور..وهوه ماشى يبص ع
اليفط اللى فى الغيطان الرئيس هوجو يوجا شاهى شوهان يرفض التوريث
م3                                              ن/ل/د/خ


تفوت سنين .. أميتاب باتشان راجع من شغله .. وبجد بجد لسه شباب برضه
يدخل البيت .. يلاقى ست كبيرة عجوزة نكتشف ان هيه دى الطفلة
الصغيرة اللى لقاها قدام الجامع .. فجأة تيجى العصابة تخطفها قدامه
المرة دى ..يجرى وراهم بالفيل الفور باى فور لغاية ما يوصل لبيت
الراجل قليل الأدب الشرير اللى أكيد عنده تمساح

يدخل البهو الكبير يلاقى الراجل واقف والست متعلقة من صرصور رجلها فى
السقف .. يدور بعنيه ع التمساح .. يسأل الراجل بالهندى :التمساح بتاعك
فين يا عم؟
يرد الراجل : فى البير اللى فوقه مامتك .. يتعجب أميتاب بالهندى :
مامتى؟ يرد الراجل بشماته : أيوة الست دى أمك ..نياهاهاهاهاهاه ..
ينظر له أميتاب وهو يضحك ويقول ف سره : عبيط ده وللا ايه؟

يتأثر جدا أميتاب ويقول لها : انتى أمى؟ ترد الست : ايوة يا
أميتاب يا ابنى .. أنا مارضيتش أقوللك ع الحقيقة المُرَّة دى وانا فى
اللفّة عشان العار ..

وعشان تصدق شوف دى.. تطلّع له سلسلة فضة عليها صورة واحد مايعرفوش ..
أكيد ده ابويا؟ ترد عليه : لا يا بنى دى صورة عشيقى ..
يغنى لها نص ساعة وتغنيله نص ساعة .. يحضنها أميتاب بإيد كالعادة
ويخلص ع العصابة بالإيد التانية وطبعا يخللى التمساح ياكل الراجل
الشرير .. يخرج من القصر يقول لأمه : انجزى يا حاجة
عشان عندنا النهادرة تعديل دستور .. ينظر إلى اليفط المتعلقة الرئيس
حادى بادى كرنب زبادى شالو حطو كله علادى هوجا يوجا شاهى شوهان يرفض
التوريث

م4                                             ن/ل/د/خ

تفوت سنين..أميتاب باتشان راجع من شغله .. بجد بجد بجد لسة شباب برضه
راجع البيت يلقى الست أمه بقت عجوزة أوى..
فجأة ييجى واحد شباب على موتوسيكل يطخ الولية عيارين .. يجرى وراه
أميتاب بالفيل يكتشف ان الراجل ده يبقى حفيد الراجل الشرير ..
يقتله اميتاب باتشان ويرجع لأمه يغنى لها نص ساعة وتغنيله نص ساعة ..
الست تقول له وهيه بتموت :
أميتاب يابنى أنا عايزة اقوللك على سر .. أنا مش أمك .. أنا أبقى جدتك
والراجل اللى انت قتلته ده يبقى ابن أخت المخرج .. والراجل الشرير
يبقى خالك .. وابن الراجل الشرير يبقى عمك .. والعصابة كلها أخواتك فى
الرضاعة ..
يصرخ أميتاب باتشان من الصدمة ويغنى نص ساعة وهيه تغنى نص ساعة والواد
المقتول يغنى نص ساعة .. الست المجهولة دى تقول له : انت مش مستعجل
ليه ؟ هوه مفيش تعديل دستورى النهاردة ؟
يرد أميتاب : النهاردة الخميس أجازة م التعديلات ..


تموت الأم .. يلفها أميتاب بقماش من بتاع اليفط مكتوب عليه: 
الشعب أساساً يقبل الحكم العسكري...!!

عن العبث السينمائي وغياب الدولة

            

                      

 اعزائي احبائي قُرأ هذه المدونة .يااهلاً بيكم * بصوت مصطفي محمود * :)

                                          ---------------------------------------الحقيقة شاغلني من فترة موضوع السنيما الهابطة بدون ذكر اسماء ومن غير م نجرح ف حد سينما ( السبكي ) واشباهه ..

هتكلم شوية من وجهة نظر السبكي ف الموضوع ... او كما اتصور انها وجهة نظرة يعنى .

الراجل ف الاصل تاجر ملوش دعوة بالفن هو بيقدم سلعة لجمهور يعتمد ف الاصل علي شريحة كبيرة من المراهقين الهِبل في سن من 12 لحد 18 سنة نفس السن اللي بيسمع تامر حسني :) ..

اللي اي فيلم فيه رقاصة وإيفهات وكام بوسةوتوك توك ومهرجان يبقي فيلمه المُفضل .. السن اللي بيعتقد انه ممكن يلقي صفحة لقلب الاسد علي IMDB ... :)

السبكي بيقدم سنيما رخيصة انتجاياً و فنياً الحقيقة بس ف المقابل بيرجع له الصدي بتاعها ملايين مُملينة .. ف لما يقول جملة الشهيرة

" السوق عايز كده " او " الجمهور عايز كده " هو بيتكلم من وجهة نظر الارقام اللي عنده مش من اي اتجاه اخر .بس ف الحقيقة الجمهور ماعزش حاجه هما ملاقوش اختيار ولا توعية ولا ثقافة ولا تعليم ولا حد يقوله الصح م الغلط ولا المفيد من المضر جيل بيضبش ف المحيط الهادي ليلاً املاً انه يطلع النهار يلاقي فيه ارض تحت رجله ده لو نجي ...

مثلاً ف امريكا فيه افلام اوسخ من افلام السبكي بس عشان هما دولة محترمة الافلام دي ليها سينمات مخصوصة زي م فيه سينمات للبورن في كمان للافلام السيئة دي وكمان بسبب ان المجتمع نفسه واعي ومثقف وعارف ايه يفيده وايه لا الافلام دي مش بتعمل إيردات كبيرة ولا بنسمع عنه اصلاً وبرضه عشان هما ناس محترمة فيه عندهم كل سنة حاجه اسمها اوسكار بتكرم الافلام العظيمة وصنعها علشان يفضل فيه توازن بين ده وبين ده وعشان يحسس الفنان الكويس انه يستحق وان مجهوده هو من معه يُقدر.. كل ده ومحجروش علي زوق حد ولا فرضوا زوق معياً بداعي الحفاظ ع الزوق العام ولا ادعاء الفضيلة النصابة الكاذبة " ليبرالية عاقلة ها "

كل اللي عاجبة حاجه يتفضل يتفرج عليها وهو لوحده المسئول عن قدر الرُقي والتحضر والزوق والجودة الفنية اللي هتتنقله من الحاجه دي ...

في رأي الشخصي و في حالتنا دي ف تبقي الدولة مسئولة عن الزوق العام لما يبقي التعليم بالشكل ده والثقافة بالشكل ده وغياب الرقابة وتهميش دور السينما والفنون بشكل عام بل واعتبرها نوع من الفجور وتحريمها هي وغيرها من الفنون وفي مجتمع ينظر للفنان علي انه شخص تافه لاقيمة له ولا لما يقدمة ولا لمجهودة او اي حاجه بيعملها يكون النتيجة ان الافلام الجيدة متتعرضش خوفاً من الخسارة المادية الفادحة امام افلام السبكي وتفتضل الحاجة الوحشة تكسب بداعي ان " السوق عايز كده " او " الناس عايزة كده " وده كله مش اكتر من تزوير ف الزوق العام ...

سامع بقي حد بيقولي بس الفن مرآة المجتمع .. ده صح جداً . بس مش مرآه بمعني انها تعكس الموضوع بالمملي لا هي كده عشان اه تعكس العيوب والمشاكل بس بشكل اعمق وبنظرة مختلفة للاشياء ليه ده بيحصل؟ عشان ايه؟ وده سببه ايه؟ وتدور علي سبب للمشكلة اعمق من اللي بيبان بسهولة ده ويبقي كتر خير الناس لو طرحوا حلول للموضوع ولو مطرحوش كتر خيرهم برضه

مش يبقي عندي حاجه زبالة اسمها " مهرجانات " و " بلطجة " و" موتوسكلات وتكاتك " اروح عامل فيلم عن عيل بلطجي بيتوب وبيشتري توك توك وبعدين ربنا يكرمه ويبقي نجم مهرجنات واقول انا بعكس المجتمع انا مراية .. ف الحقيقة حضرتك نصاب .

 وأخيراً عشان مطلوش عليكوا ف الموضوع ده هتكلم عن الرقابة .. اللي هي ناس كتير فكراها موجوده عشان احنا مجتمع شرقي ولازم نحافظ عليه من الحاجات الوحشة .. وده كله نصب لامؤاخذه

لان ببساطه ف ظل وجود الرقابة الفاضلة شوفنا افلام من عينة " وسط البلد " " شارع الهرم " بوسي كات " وغيرهم من الافلام اللي بتقدم العري والاباحة مغلفة بغلاف كاذب انه فيلم شعبي !!

ف المُقابل بقي شوفنا ف اخر عشر سنين كام فيلم لوحيد حامد ؟!.. الرقابة عندنا بتُجبر يوسف شاهين يحط علامة " ؟! " علي افيش فيلم " هي فوضي " عشان يبقي تساؤل مش امر واقع .. ياسلام!! .. تحارب عمرو سلامة 3 سنين عشان عايز يعمل فيلم حلو بيصوره اطفال وهو " للكبار " فقط .. عبث عبث الحقيقة ...

الرقابة عندنا بتراقب الفكرة ،اي فكرة مختلفة قوية محترمة بتقمعها وبتسيب اي حاجه تانية .. دي الرقابة بختصار بتراقب الافكار وليس العري والاباحة كما يدعي البعض ..

الفن المفروض يخلي الإنسان كائن أفضل مش يدمرله شوية الذوق اللي فاضلين
بس انا خلصت كلامي .. سلامات ....

عن مشكلتي مع مستشفي السرطان 57357

طبعاً انا فاهم كويس جداً ان المستشفي هدفها نبيل جداً ف إنها تعالج المرضي من الاطفال وتنقذهم كل ده جميل جداً .. لكن مشكلتي معاها بقي هي ...

إن تأسيس المستشفي دي جاي ف الاساس علي التبرعات عشان تفضل المستشفي ف إستطاعتها علاج الاطفال بالمجان وبشكل جيد .

بس ايه بعد فترة ليست بالبعيدة هنفرض انها عشر سنين مثلاً .. الحالات المريضة من الاطفال مش هتقدر المستشفي تسيطر عليه ولا تعالجة بشكل افضل ..
وده بسبب ان الدولة الكريمة بتحل اخر مراحل الموضوع انا شايف من وجهة نظري طبعاً مثلاً 

ان لو ف السنة بتجي تبرعات للمستشفي دي مليار دولار الدولة تاخد نص التبرعات دي ولو علي سبيل السلف انا فاهم انها مش من حقها انها تاخد الفلوس دي بس هنفرض ان الدولة لسه بتحاول تقف علي رجلها والفلوس مش مكفية ف الدولة تاخد نص الفلوس تصرفها علي مشاريع تطوير المية بشكل اقوي وافضل وتطوير المحاصيل المزروعة .. انا فاهم ان السرطان مش بس بيجي من الاكل و الشرب بس اظن هما ليهم سبب كبير ف الموضوع ده مع طبعاً الهوا الملوث والمُبيدات الزراعية وغيرها من البلاوي اللي بنكلها وبنشربها ..

ف اظن يعنى و انا بعالج اللي خلاص مرضوا ف برضه لابد الاصلاح عشان احصر المرض قدر الامكان جنب البحث العلمي ف اني اجد علاج او تطعيم من المرض .. :) 

.. بس خلاص دي حاجه جات ف بالي وانا بتفرج علي إعلانات الشحاته علي المستشفي دي والفرع الجديد بتاعها اللي بالتأكيد بيؤسس لدولة الشحاتين والشحاته .. وهتتحول المستشفي المحترمة دي والمشروع الانساني ده لأي مستشفي عام ف البلد .. مفيش سراير او مفيش علاج او مفيش الاتنين وتبيع الحكومة المستشفي ف المزاد ... وتخلص .. 

      سلاماااااات 

أيريّات أبي حكيمة...!

هو راشد بن إسحاق بن راشد الكاتب. أغلب الظنّ أنه من أصل غير عربي. ولد في الكوفة، وشهد فتنة الأمين والمأمون في بغداد، كما شهد نكبة الفضل بن مروان عام 221 هـ. كان كاتب عبدالله بن الطاهر في مصر. توفي عام 240 هـ في طريقه إلى الحج. له ديوان ضاع أكثر من نصفه، حقّقه محمد حسين الأعرجي، والطريف في هذا الديوان أن صاحبه وقف معظمه على رثاء ذَكَره بعدما أُصيب بالعنّة، وعُرفت أشعاره عند العرب بـ" أيريّات أبي حكيمة".
كان أبو حكيمة ذا مكانة مميّزة لدى الخلفاء، وفي مجالس الأمراء، وكان شعره محبّباً إلى مسامعهم، حتى ضاق به صدر أبي تمّام لذيوع صيته. فلم يكن الخليفة يلاقي حرجاً أو إثماً في سماع شعره بمجالسه الخاصة لما يشيعه من ظرف وحبور.
بالطبع ليس "سهلاً" على رجل عاش في العصر العباسي، أن يصاب بضعف جنسي يجعل مَتاعه لا ينتصب، في زمن عبق بالجواري ومجالس اللهو والخمر وبحرّية أجازت للرجل ممارسة كلّ شيء، خصوصاً إذا كان هذا الرجل ممن أولع بالنساء وبالخمر... وقد انتهى الأمر بأبي حكيمة إلى الطلب من أمير المؤمنين أن يمنحه جاريةً تحيي ذَكَره:
"يكفّن الناس موتاهم إذا هلكوا
وبين رِجلَيَّ مَيْتٌ ما له كفنُ
هذا الخليفة فاستوهبه جاريةً
حوراء تضحك في أعطافها الفتنُ
لعلّ أيرك يحيى إن ألمّ به
وجه مليحٌ، وخلق ناعم حسنُ".

هذا الخليفة هو المأمون نفسه الذي عيّن قاضياً لوطياً (يحيى بن أكثم)، وفيه قال أبو حكيمة شعراً ذاع صيته:
"وكنّا نرجّي أن نرى العدل ظاهراً
فأعقَبَنا بعد الرجاء قنوطُ
متى تصلح الدنيا ويصلح أهلها
وقاضي قضاة المسلمين يلوطُ؟".

ومن نافل القول إن أبا حكيمة لم يكن بعيداً عن جو الغلمان إلا أنه كان شديد الميل نحو النساء، وما رثاؤه لذكره إلا من باب التأسّف والتفجّع على "عدّة الجنس" التي خذلته في كبره. لم يبكِ أبو حكيمة على الأطلال كما تفعل العرب عادة، بل احتقر هذه العادة كشريكه أبي نؤاس، ترك أطلال الحجر ليرثي أطلال الذَّكَر:
"لا يوحشنّك فقدُ الحيّ إن رحلوا
دعْهم لكلّ فقيدٍ منهمُ بَدَلُ
ولا تقف بين أطلالٍ تسائلها
فلن يردّ جواب السائل الطللُ
ولتبكِ عينك أيراً لا حراك به
لا اللمس يُنشطه يوماً ولا القُبَلُ".

ومن "غيره" يستحقّ الرثاء، بعد الذلّ الذي سبّبه كسله وقعوده:
"أذللتني بعد عزٍّ
ويلي عليك وعَوْلي
قد كنتَ حربة نيكٍ
فصرت ميزاب بولِ
جلَّت عيوبُك عندي
عن كلّ وصفٍ وقولِ".

ويقول أيضاً:
"أبكي على لهوي ولذّاتي
بعبرة تشفي حراراتي
أبكي على أيرٍ ضعيف القوى
يخونني في وقت حاجاتي
ينام عما يستلذّ الفتى
ونومه إحدى المصيباتِ".

لم يستطع أبو حكيمة تحمّل خسارة "رجولته"، فعمد إلى المجاهرة بما أصابه، علّ هذا الإشهار يخفّف عن نفسه ويروّح عن جميع المبتلين بهذه الحال، مستذكراً زمن "معاركه" و"غزواته" المشهورة بين النساء:
"ألا أيها الأير الذي ليس ينفعُ
أعندك في تحريك رأسك مطمعُ
إلى كم وقد نُبّهتَ من سكرة الكرى
توسّدُ إحدى بيضتيك وتهجعُ
عدمتكَ من أيرٍ قليل غناؤه
خلت منه أسباب المنافع أجمعُ
تغيّرتَ حتى ما تُرى فيك شيمةٌ
من الأير إلا أنّ رأسك أصلعُ".

لم يكن رثاء أبي حكيمة رثاء حزيناً فقط، بل حمل شعره اللوم والتقريع، مع مسحة الصابر المضطرّ في صبره:
"ألا أيها الأير الذي قلّ نفعه
أما فيك خيرٌ كم تذمّ وكم تُشكى
رأيتك في حال الفسوق مشمِّراً
ففيمَ هداك الله لي تكتم النسكا
بكيتكَ لما لم تقم عند حاجة
وحُقَّ لأيرٍ لا يقوم بأن يُبكى".

وهكذا ظلّ الحنين يداعب مخيّلة شاعرنا، يوصله بالأيام الخوالي، ليقيم موازنةً بين حاضره وماضيه، من دون أن ينسى تقريع عضوه المستكين:
"تنّبه أيها الأير المدلّى
لشأنك إنّ طول النوم عارُ
توقَّرُ عن ملاعبة الغواني
وشرُّ خلائق الأير الوقارُ
تقلّصُ إن أصابك برد ليلٍ
وتسترخي إذا حميَ النهارُ
وفي ما بين ذلك أنت ملقى
على الخصيين ليس بكَ انتشارُ
تولّي الغانيات قفا لئيمٍ
تليق به الهزيمة والفرارُ
تحنّ على البعاد إلى سليمى
وتهجرها إذا قَرُب المزارُ
وتُعرضُ حين تلقي الثوب عنها
وتسجد كلما خُلع الإزارُ".

غلّف أبو حكيمة رثاءه بنكهة الطرافة والتفكهة، فكأنه يريد أن يطبّق القول المأثور "شرّ البلية ما يضحك":
"يا ربّ صائحةٍ بالويل حين رأت
ما بين فخذيّ من خزيٍ ومن عِبرِ
أيرٌ تعقّفَ واسترخت مفاصله
مثل العجوز حناها شدّة الكبرِ
كأنه حالفٌ بالله مجتهدٌ
ألا يقوم على أنثى ولا ذكرِ".

والحقّ أن بناء صورة المتاع في عجزه لدى أبي حكيمة مما يأسر بجماله وابتكاره:
"ينام على كفّ الفتاة وتارةً
له حركاتٌ مما تُحسُّ بها الكفُّ
كما يرفع الفرخُ ابن يومَيْن رأسَه
إلى أبويه ثمّ يدركه الضعفُ".

كذلك فلنقرأ هذه الرسم الكاريكاتوري الذي يرسمه لنفسه وقد غدا من دونه:
تقول سُليمى ما لأيركَ لا يُرى
أطار به من فوق خُصييك طائرُ
فقلت لها: أيري مقيم مكانه
ولكنه رخو المفاصل ضامرُ
فهل أبصرت عيناكِ قبلي وقبله
فتى غاب عنه أيره وهو حاضرُ؟!".

حوار مع صديقي المؤمن...!

وتبدأ الحكيايا بـ " Status " لصديق علي الفيس بوك بتقول ..... 
" انا برايي بما انو مش قادرين نوصل لصيغة وطن واحد , نوصل لدين واحد طيب .....!!!؟"

ثم دار هذ الحوار ....  
ـــــــــــــــــــــ
انا :
     إحنا مش قدرين نوصل لوطن واحد عشان مفيش دين واحد . للوصول لوطن واحد شيل الاديان كلها من الحسبة...

هي : 
       لو دين واحد يبقي الاسلام مفيش غيره ولو اي واحد درس صح هيعرف ان الاسلام اخر الاديان وهو دين الله...لو غير كدا يبقي احنا عايشين ليه ؟  يبقي ازي مفيش حساب ولا في جنة ونار؟

أنا :
وهو احنا عايشين عشان الدين ولا ايه ؟ الملحدين اللى ف الدنيا عايشين زي المتدينين بالظبط ، إحنا معندناش اي دليل مادي يثبت ان هذا هو الدين اللى كان موجود من 1500 سنة . الدين شئ مش ضروري للحياة بس الانسان بيحاول يطمن بيه نفسه ان فيه قوة خفية مسيطرة على الحاجات اللى هو مش قادر يفهمها . لو تدوري ف تاريخ الفراعنة تلقي انهم قسموا الالهه عشان يرضوهم كلهم . والبشرية كلها جلها 5100 دين كلهم بيقولوا انهم صح 100% والباقي خربان....

هي :
       ازاي الدين مش مهم لو مش مهم اومال انت عايش ازاي وعارف الحرام من الحلال ازاي لو مش مهم انت هتعيش ازاي الدين ده هو اساس الحياة ومن غيرة والاديان كتيرة فعلا بس اللي يدرس ويميز واديان الله هي اليهودية والمسحية والاسلام ولازم نومن بالاديان اللي منزلها ربنا مش اللي محرفة....

أنا : 
     طب هجاوب م الاخر : الاديان اللى منزلها ربنا لو اتحرفت يبقى هي مش من عند ربنا او هو مش ربنا لانه اكيد مش بسهوله كده كلام الاله يتحرف من شوية بشر يقدر يدمرهم بسهوله ويجيب غيرهم ولا ايه ؟....
 والدين مش اساس حاجة بدليل ان كان فيه قوم اسمهم الهنود الحمر مسمعوش عن الدين حاجة وعاشوا وكانوا عايشين عادي جداً لولا الحروب اللى خلصت عليهم كانوا هيكونوا موجودين دلوقتى هو فيه منهم بس قليلاين اوي .. وكمان فيه قبائل كاملة ف افريقيا مسمعتش عن الديانات التلاته حاجة خالص لحد دلوقتى .. الناس في حضارة الأزتك بأمريكا الشمالية ( 1428م - 1521م) كانت تذبح سنويًا 200 ألف شخص قرابين للألهة الشريرة حتي لا تدمر البشرية! بمناسبة الاله يعنى دي فكرة بعض الناس عن الاله قسموهم عشان يرضوهم كلهم زي م عملوا الفراعنة " إله زراعة ، ريح ، مطر ، شمس ، نيل ... إلخ إلخ ....

هي :
      ماشي بس برده لو الدين مش مهم كنت هتعيش ازاي وهتعرف ان ده حلال وده حرام ازاي لو مفيش دين كنت هتعرف ان السرقة حلال ولا حرام او القتل او الزنا كنت هتبقي محتار ومش عارف حاجة الدين هو اساسك واساسي ومن غيره احنا منسواش حاجة
 الناس لو درست هتعرف ايه الصح اكيد في دين صح واحنا عندنا عقل بيميز وبيعرف والاهم من كدا الادلة والدين مش اشخاص لا في كل الاديان اشخاص كويسة ومش كويسة والدنيا فيها كتير ومش تحكم علي الاديان بالاشخاص ...!

أنا :   
      الحاجات دي معروفة بالفطرة كده انا لما اخد حاجة مش بتعتي اكيد هحس انها مش من حقي واحس اني عملت حاجة غلط غير اخلاقية .. واي واحد عنده بقايا فطرة سليمة هيعمل كده من غير م الاله يقوله ولا يحذرة ولا حاجه .. الحاجات دي معروفه قبل ظهور الاديان كلها ..  لان فيه حاجات بتدهالي الطبيعة من قبل الديانات والبلاد وكل الحاجات دي حقي زي ( الحياة ، الامتلاك ، الحرية ) دي حاجات بيخدها الانسان بمجرد ميلاده ف الدنيا اي حد هيسلب منه حق منهم هيبقى غلط زي حق ( الامتلاك بالسرقة او بالاغتصاب او حق الحياة بالقتل ، او حق الحرية بالعبودية ) دي حاجات ملهاش دعوة بالاديان بتتحكم فيها فطرة الانسان ودرجة اخلاقة وتحضره وثقافته مش درجة ايمانه....
اقري التاريخ الانساني وانتي تشوفي الاشياء دي موجوده ازي فيه من قبل الاديان .. كل م هو غير اخلاقي وبيضر بالمجتمع كله فهو غير صحيح ....

هي :
يعني انت لو مش مسلم كنت هتعمل ايه وكنت هتتدرس ولا هتفضل علي دينك المفروض ندرس كل الاديان بس لابد ان نكون مقتنعين بدينا ؟

انا : 
      الكلام ده نظرياً بس على فكرة .. محدش بيدرس ولا يقدر فعلاً يغير دينه خصوصاً ف مجتماعتنا دي لان حياته كلها هتتشقلب وهيخسر ناس وشغله وعليته .. لو ده حاصل انا ممكن اعرفه من باب الحالات الفريده مش اكتر ...

حضرتك فيه من قريب ف السعودية كان فيه واحد يلقب بأسد السُنه .. قريب جداً اللحد وراح يعيش ف بريطانيا انا مش متذكر اسمه  .. مابالك بقى المواطن العادي اللى هيفتح كتاب زي "البخاري" هشوف كل حاجة تشوه الاسلام ....
 
هي :
       ياسلام انت عمرك ماشوفت واحد مسيحي بقي مسلم او العكس ؟ لا في ناس كتير غيرت ... 

أنا :
    
      ف مجتمعتنا العربية الحبيبه بيبقي صعب جداً وتقريباً 1 ف المليون .. طبعاً غير اوروبا عشان دول ناس مش بيهتموا بدين الناس .. مجتمعات لبيرالية تؤمن بأن لكل انسان الحق ان يعتقد ما يشاء .. دي حاجة تانيه عشان بس منخلطش الامور ببعضها .. حالات نادرة جداً من الناس اللى عندها القوة تعمل كده. 

الصح المطلق ف الدنيا قليل جداً وبعد كده كل حاجة نسبيه مفيش حد صح 100% مفيش .. وكل الاديان اللى جات كانت بتقول اللى انتي بتقوليه ده احنا الصح الواحد الصح المطلق والباقي كلهم هيروحوا الحجيم .

 وكل الاديان الموجودة ع الارض حالياًَ السمواي منها والارضي .. بيهدف نفس الاشياء هي التعايش مع الاخر و الارتقاء بالاخلاق و الحث على عمل الخير وكل حاجه بتساعد الانسان انه يحافظ على انسانيته .. كلهم شبه بعض من اول اليهودية اقدمهم الي البهائية احدثم بتقول نفس الكلام .. الاديان شئ مش مهم لاستمرار الحياة..

والحلال والحرام شئ نسبي بيختلف من واحد لاخر وبتحدده الاخلاق اذا كان الشخص مقرر انه يستخدم المعيار ده ف التعامل مع الناس بغص النظر عن الاديان .. تاني الدين مش اساس الحياة ولا حاجة ده شئ الانسان كان ديماً بيدور عليه عشان يطمن نفسه ان فيه قوه خفيه مسيطرة على الكون وتجوبله الاسأله اللى جوا دماغه اللى محيراه زي مين خلقنا مين عمل يعنى ايه كون كل الاشياء دي .  

وطبعاً بعد اخر كلام ده كان لازم يتسأل السؤال اللي اتأخر اوي ...
  
هي : 
      سؤال انت مسلم ولا ؟.. 

طبعاً انا كالعادة مجوبتش عليه لانه سؤال عقيم والاجابة عليه تأثر على قدرتك الجنسية !

سلاماااااااااااااااااااات ...