تلك الاختراع العجيب اللى مش عارف صراحة هو جالنا منين وهل هو من ثقافتنا ولا دخيل علينا بس اللى انا متأكد منه هو اننا ف مصرنا الحبيبه اكثر تحضراً من ان نخترع الاختراع العيقم ده..!
و طبعاً قبل م تقول إيه الجدع الاهبل اللى بيتكلم ف "المُزراب "ده بص معايا انا اقصد ايه.
المظراب للي ميعرفش ايه ده هو اختراع كده عباره عن ماسوه لا تقل عن نص متر ف البلكونات و لا تزيد عن 3 متر ف اسطح العماير السكانيه
"هو انا مالى بتكلم بالنحوى ليه كده ؟ ما علينا"..!
"هو انا مالى بتكلم بالنحوى ليه كده ؟ ما علينا"..!
ـــــــــــــــ
انا بقى شايف صراحه ان مع بداية دخول هذا الاختراع مجتمعنا وإستخدامه ادى الى زرع حاجه جوا البشر العايشين هنا وتورثتها الاجيال الحاجة دى هى التطبيق العملى والفعلي للجملة اللعينه القائلة "انا ومن بعدي الطوفان" وطبعا كل م ترتب على هذه الجمله اللعينه زي مثلاً :
"وهو انا يعنى اللى هصلح الكون""المهم احنا تمام و الباقى مش مهم" الكلام اللى بيدعوا للسلبيه والفوضي ده...!
طبعاً حضرتك هتقولى و الكلام ده ماله بالمظراب موضوعنا الاساسى لا اقول حضرتك ليه كل العلاقه ، الاختراع ده لما حضرتك تركبه ف بلكونتك او ف سطوح عمارتك او فوق سطح بيتك ، بيقوم هو بطرد مية الشتاء اوالغسيل او ما شابه من اشياء ف الغالب على الشارع اللى هو فيه ناسعايشين او ماشيين او اى حاجه، المهم انه بيطبق النظرية نفسها ( انا و من بعدى الطوفان ) مش مهم الناس المهم انا امشي حياتى بغض النظر عن ان حياتى لما هتمشى هتضر حد او لاء ..
و طبعا ممكن يجى ف بالك وانت بتقرأ(مصائب قوم عند قوم فوائد) ..
اقولك بس دى مصائب انت بتتخلص منها عشان تستفيد وبتضر الناس اللى عايشين حوليك او جنبك مع انك ممكن تفكر دقائق فالناس الموجودين حوليك دول ممكن برضة تستفيد وتفيدهم اكتر ويبقى كله تمام ، لا بس ليه هو انا لسه هفكر انا بس اخلص م اللى انا فيه و مش مهم الناس اصلاً هو انا يعنى هعملهم ايه"هو انا اللى هصلح الكون " "م الدنيا حولينا اصلاً مش نضيفه " و ألخ ... من كلام مُحبط و سطحي و يدعوا للفوضى و العبث ..
و طبعاً ده اثر على اجيال متعاقبه ورا بعضها من اللى عاشت مع المظراب على انه شىء عادى ف طلع جواهم شىء من الفوضى اللى اعتقد انهم ملهمش يد فيها بل اتزرعت جواهم بقت جزء اصيل ف الشخصيه و كبرت الناس دول وجابو اولاد و هكذا اجيال مُتعاقبه ..!!
والى ان وصلنا الى ان اشوف دكتور جامعي ما شاء الله و ولاده ف مدارس ايه و مستوى اجتماعى عالي و ساكن ف منطقه من المناطق الراقيه و بعدين اشترى تكيف ف للبيت و دفع فلوس كتير تمنه ودفع تانى نقل ثم تركيب و ف الاخر القى التصرف الطبيعى للدكتور ده و انا متأكد انه مكنش قاصد و عمله من غير م يفكر يشترى "خرطوم "ويركبه عشان مية التكيف تنزل ف الشارع "مُزراب مودرن" ومش مهم تنزل فين او على مين بس المهم يتخلص منها و فجأه تلقى العمارات ف الحى الرقى ده كأنها بتبكى م الحر و ف الحقيقه انها "خراطيم التكييف"!!
و اخيراً احب اقول :
و اخيراً احب اقول :
"لو كان المظراب و اللى اخترعه رجلاً لقتلتهما " ...!
سلاااااااااااااااامات
